Сихкабоби хонагӣ

Маҳсулоти зарурӣ:

Мурғ - 1 кг

Пиёз- 2 дона

Помидор - 2 дона

Сирпиёз - 1 дона

Хушбӯйкунанда - 1 қошуқ

Мурч - 1 қошуқ

Намак - 1 қошуқ

Равғани рустанӣ - 1 қошуқ

Сихчӯб барои кабоб

Майонез – 2 қошуқ

Тарзи таҳия:

Мурғро ба шакли чоркунҷа реза мекунем ва баъд пиёз ва помидорро майда реза карда, ба он хушбӯйкунанда илова месозему муддати 15 дақиқа нигоҳ медорем. Сипас, сирпиёзро аз тарошак гузаронда, бо майонез, хушбӯйкунанда, мурч, равғани рустанӣ ва намак омехта менамоем. Бо сарпӯши ғизоӣ маҳкам намуда, муддати 1 соат дар яхдон нигоҳ медорем. Баъдан гӯштҳоро дар сихчӯбҳои барои кабоб мегузаронему дар тафдон (рӯйи тобаи симӣ ва аз зераш тобаи одӣ) муддати 30 - 35 дақиқа дар ҳарорати 150 дараҷа мепазем.