Агентии назорати маводи нашъаовар: Беморони нашъаманд 146 нафар коҳиш ёфтааст

3-юми феврали соли равон дар Агентии назорати маводи нашъаовари назди Президенти Ҷумҳурии Тоҷикистон нишасти матбуотӣ доир гардид.  Зимни нишаст директори Агентӣ, генерал-майори хизмати назорати маводи нашъаовар Самад Зафар ба саволҳои хабарнигорон ҷавоб гардонид.

Гуфта шуд, ки  ҳоло дар ҷумҳурӣ 4014 нафар бемори нашъаманд, аз ин 110 нафар зан дар қайди наркологӣ қарор доранд, ки  ин нишондод нисбат ба соли 2023 146 нафар ё  3,5 фоиз коҳиш ёфтааст.

Маълум гардид, ки дар соли 2024 116 (2023 - 114) ҷиноятҳои вобаста ба маводи нашъаовар ва дигар намуди ҷиноятҳо аз ҷониби кормандони Агентӣ ошкор карда шудааст, ки ин нишондод нисбат ба соли 2023   2 адад ё 1,8 фоиз зиёд мебошад.