Ҳаҷми ММД ба 153,4 миллиард сомонӣ баробар шуд

Соли сипаригашта ҳаҷми маҷмуи маҳсулоти дохилии кишвар ба 153,4 млрд. сомонӣ расид, ки суръати рушди воқеии он ба 8,4 фисад баробар аст. Ҳаҷми маҷмуи маҳуслоти дохилии мамлакат дар 5 соли охир 74,3 млрд. сомонӣ ва даромади пулии аҳолӣ 99 млрд. сомонӣ афзуд, - гуфт дар нишасти матбуотӣ Завқизода Завқӣ Амин, вазири рушди иқтисод ва савдои Ҷумҳурии Тоҷикистон.

Ҳамчунин, Завқизода Завқӣ Амин қайд намуд, ки соли 2024 дар қаламрави кишвар 740 адад корхонаю коргоҳхои нави истеҳсолӣ, аз ҷумла 528 корхонаи нави саноатӣбо таъсиси 20 ҳазор ҷойи корӣ ба истифода дода шуд. Ҳаҷми истеҳсоли маҳсулоти саноатӣ дар соли гузашта 53,8 млрд. сомониро ташкил дод.