Суди Олӣ: 12036 адад парвандаҳои ҷиноятӣ баррасӣ шуданд

  Имрӯз, 13-уми феврали соли 2025 дар Суди Олии Ҷумҳурии Тоҷикистон оид ба натиҷаи фаъолияти мақомоти судӣ нишасти матбуотӣ баргузор гардид.

Зимни нишаст Рустам Мирзозода - Раиси Суди Олӣ қайд намуд, ки соли 2024 дар умум 13326 адад парвандаи маданӣ, 46063 адад парвандаҳои оилавӣ, 12036 адад парвандаҳои ҷиноятӣ, 75379 парвандаҳои зуқуқвайронкуниҳои маъмурӣ, 8255 дархостҳои тафтиши пешкаш ва 6995 пешниҳоди сохтору мақлмоти дахлдор мебошанд.

Бо мақсади амалӣ намудани меъёрҳои Қонун "Дар бораи масъулият барои таълиму тарбияи кӯдак" соли 2024 аз ҷониби судҳо дар мавмуъ 27782 адад парвандаҳо нисбати вайронкунандагони қонун баррасӣ гардида, дар натиҷа ба 4135 нафар ҷазои огоҳӣ ва нисбати 23670 нафар ҷарима ба маблағи умумии 6031831сомонӣ таъин карда шудааст.

Соли 2024 судҳо ба фоидаи давлат аз рӯи ҳама намуди парвандаҳо ба маблағи умумии 125606063 сомонӣ рӯёнида, ба буҷаи давлат гузаронда шудааст.

Гулноза Бобомуродова,

"Бонувони Тоҷикистон"