ФЕСТИВАЛИ "ҲАФТАИ КИТОБИ КӮДАКОНУ НАВРАСОНИ ТОҶИКИСТОН" ДАР ХАТЛОН

Ҳамасола аз 2 то 9 апрел дар Тоҷикистон Фестивали ҷумҳуриявии “Ҳафтаи китоби кӯдакону наврасон” баргузор мегардад.

Имрӯз, 2-уми апрели соли равон Фестивали "Ҳафтаи китоби кӯдакону наврасони Тоҷикистон" дар саҳни Муассисаи давлатии Китохонаи оммавии вилояти Хатлон ба номи Шамсиддин Шоҳин оғоз гардид.

  Дар он шоири халқии Ҷумҳурии Тоҷикистон Озар Салимиён, шоирон Амиршои Хатлонӣ, Чӯпон Бадалӣ Ванҷӣ ва роҳбари маҳфили " Бонги най" Сайҳомиддин Нарзуллоев ва намояндагони раёсати фарҳанги вилояти Хатлон, Раёсати маорифи вилояти Хатлон, директорони китобхонаҳои шаҳру ноҳияҳои минтақаи Бохтар ва дигар меҳмонон иштирок доштанд.

 Ба ифтихори ҳафтаи китоби кӯдакону наврасони Тоҷикистон" дар саҳни Муассисаи давлатии Китохонаи оммавии вилояти Хатлон ба номи Шамсиддин Шоҳин намоиш - фурӯши китобҳои бадеӣ бароҳмонда шуда буд, ки меҳмонон ва дӯсторони китоб аз он харидори намуданд. Сипас наврасону кӯдакон меҳмононро бо барномаи театрикунондашуда истиқбол гирифтанд, ки хело ҷолибу дидани буд.

Нахуст, Рухшонаи Шералӣ директори китобхонаи мазкур фестивалро кушода, иброз дошт, ки мақсад аз баргузории ин Фестивал-озмун арҷгузорӣ ба мероси ниёгон, арзишҳои милливу умумибашарӣ, тарбияи насли наврас дар рӯҳияи ватандӯстӣ ва китобхонӣ зебопарастӣ ҳисси ифтихор аз соҳибистиқлолии Тоҷикистон, эҳтирому арҷгузорӣ ба муқаддасоти миллӣ арзёбӣ мегардад.

  Ҳаминтавр аз рӯи 5 номитсияҳо хонандагони муассисаҳои таълимии шаҳри Бохтар баромад намуданд.

Бояд тазаккур дод, ки тӯли як ҳафта чорабиниҳои гуногун бахшида ба Фестивали "Ҳафтаи китоби кӯдакону наврасони Тоҷикистон" дар шаҳру ноҳияҳои вилояти Хатлон идома хоҳад ёфт.

 Далер Шарифов,

вилояти Хатлон