Бинои нави Кумитаи иҷроияи марказии Ҳизби Халқии Демократии Тоҷикистон

Бинои нави Кумитаи иҷроияи марказии Ҳизби Халқии Демократии Тоҷикистон дорои ҳуҷраҳои муҷаҳҳаз, толорҳои маҷлис, китобхонаи электронӣ ва анъанавӣ ва дигар иншооти ёрирасон буда, шароити дар он фароҳамшуда ба фаъолияти кормандон заминаҳои мусоид хоҳад гузошт. Таърихи Тоҷикистони Шуравӣ, Иҷлосияи тақдирсози 16-уми Шурои Олии Ҷумҳурии Тоҷикистон, таъсисёбии Ҳизби Халқии Демократии Тоҷикистон, Неругоҳи барқи обии «Роғун», ташаббусҳои ҷаҳонии Пешвои миллат оид ба иқлиму муҳити зист ва дигар маълумоту навгониҳои Тоҷикистони соҳибистиқлол аз ҷумлаи бахшҳои осорхонаи махсус дар бинои нав аст.