Шаффофияти буҷети Тоҷикистон аз зинаи 106 ба 90-ум расид

   Бо мақсади беҳтар намудани мақоми кишвар дар раддабандии ҷаҳонӣ дар индекси байналмилалии шаффофияти буҷет Вазорати молияи Ҷумҳурии Тоҷикистон корҳои муайянро сомон додааст.

Тибқи баҳогузории коршиносони мустақил дар соли равон Ҷумҳурии Тоҷикистон дар индекси байналмилалии шаффофияти буҷет 33 холро соҳиб шуд, ки он нисбат ба баҳогузории қаблӣ (баҳогузории соли соли 2021 – 16 хол) ду маротиба болотар аст. Дар ин бора муовини якуми вазири молияи Ҷумҳурии Тоҷикистон Юсуф Маҷидӣ зимни нишасти матбуотии ин ниҳод, ки 9 августи соли равон доир гардид, иттилоъ дод.Гуфта мешавад, ки мақоми кишвар дар раддабандии зикршуда аз зинаи 106 ба 90-ум расид.