Тоҷикистон: Пешниҳоди ворид намудани бозии норд ба феҳристи Мероси ҷаҳонии Юнеско

  Санаи 27 январи соли 2025 дар Вазорати Фарҳанги Ҷумҳурии Тоҷикистон нишасти матбуотӣ баргузор гардид.

Зимни нишаст вазири Фарҳанги Ҷумҳурии Тоҷикистон- Маллубахон Сатторӣ иброз намуд, ки Ҷумҳурии Тоҷикистон дар якҷоягӣ бо Ҷумҳурии Исломии Эрон пешниҳоди ворид намудани бозии нордро ба Мероси фарҳангии ЮНЕСКО ироа кардаанд. Дар идомаи мавзуъ зикр гардид, ки дар соли 2024 Иди Меҳргон ва санъати сохтану навохтани рубоб ба феҳристи мероси фарҳангии ЮНЕСКО ворид шуд.

Вазири фарҳанг дар хусуси сохтмони Театри миллӣ ёдовар шуда, қайд кард, ки корҳои сохтмонӣ мувофиқи нақша идома дорад ва он дар арафаи 35-солагии Истиқлоли давлатӣ чун иншооти муҳими ҷашнӣ ба истифода дода мешавад. Театри миллӣ калонтарин театр дар байни давлатҳом ИДМ хоҳад буд.

Гулноза Бобомуродова,

"Бонувони Тоҷикистон"