Хатлон: 49 муассисаи соҳаи тандурустӣ азнавсозӣ шуданд

Дар соли 2024 дар шаҳру ноҳияҳои вилояти Хатлон сохтмону азнавсозии 49 муассисаҳои соҳаи тандурустӣ ба анҷом расонида шудааст, ки аз ин 4 беморонаҳои марказӣ дар шаҳру ноҳияҳо, 3 шуъбаҳои таваллуд,  35 бунгоҳҳои саломатӣ, инчунин, марказҳои хусусии ташхис ва табобатӣ, маркази саломатии деҳот ва 1 адад маркази саломатии бисёрсоҳавӣ ташкил медиҳад. Дар ин бора зимни нишасти матбуотӣ Мусозода Иброҳим, сардори Раёсати тандурустии мақомоти иҷроияи ҳокимияти давлатии вилояти Хатлон иттилоъ дод.

Тибқи нақша дар соли ҷорӣ дар вилоят таъмиру азнавсозии 198 муассисаҳои соҳаи тандурустӣ ба нақша гирифта шудааст, ки аз ин 81 марказҳои кумаки аввалияи тиббӣ ва 69 иншшоти сатҳи беморхонавӣ мебошад, - иброз дошт Мусозода Иброҳим. 

Тибқи таҳлилҳои оморӣ дар соли сипаригардида дар ҳама муассисаҳои тиббии шаҳру ноҳияҳои вилоят 4342 нафар табиб ва 21 533 нафар кормандони миёнаи тиббӣ фаъолият доштаанд. Дар ин давра дар муассисаҳои тандурустии шаҳру ноҳияҳои вилояти Хатлон 405 нафар табибони дорои маълумоти олӣ ба кор қабул карда шудаанд, ки аксарашон мутахассисони ҷавон мебошанд.  Ҳамчунин, дар соли гузашта 46 нафар табибони вилоят аз курсҳои бозомӯзӣ дар хориҷ гузаштаанд.

Ҷамолиддин САЙФИДДИН,

вилояти Хатлон