Ваколатдор: 66 санади меъёрӣ-ҳуқуқӣ мавриди омӯзиш қарор гирифт

Бо мақсади мусоидат намудан дар такмили қонунгузории Ҷумҳурии Тоҷикистон дар соҳаи ҳуқуқи инсон кормандони дастгоҳи марказии Ваколатдор оид ба ҳуқуқи инсон лоиҳаи 66 санади меъёрӣ- ҳуқуқиро мавриди омӯзиш қарор доданд.

Ин нукта дар нишасти матбуотии Ваколатдор оид ба ҳуқуқи инсон дар ҷумҳурии Тоҷикистон, санаи 27 январ иброз гардид.

Ваколатдор оид ба ҳуқуқи инсон - Умед Бобозода иброз намуд, ки дар давраи ҳисоботӣ кормандони ниҳоди мазкур дар ҳайати 74 гурӯҳҳои кории байниидоравӣ оид ба такмили қонунгузории миллӣ ва мутобиқсозии он ба меъёрҳои санадҳои байналмилалӣ фаъолона иштирок намуда, дар таҳияи санадҳои меъёрии ҳуқуқӣ ва амалисозии онҳо саҳм гузоштанд.

Қайд гардид, ки ҳамкориҳои ин низод бо шарикони рушд, аз ҷумла Барномаи Рушди СММ дар Тоҷикистон, Хазинаи кӯдакони СММ, Дафтари барномаҳои САҲА тақвият меёбанд.