ДМТ: 134 нафар ба хориҷ фиристода шуданд

Санаи 28 январи соли равон дар Донишгоҳи миллии Тоҷикистон нишасти матбуотӣ доир гардид. Зимни он ректори Донишгоҳ профессор Эмомалӣ Насриддинзода фаъолияти нимсолаи охири Донишгоҳро натиҷагирӣ намуд. 

Иттилоъ дода шуд, ки дар давраи ҳисоботӣ 134 нафар устодон, кормандон, докторант, аспирант ва донишҷӯёни Донишгоҳи миллии Тоҷикистон барои ҳамоишҳои илмӣ, таҳсил, коромӯзӣ ба хориҷи кишвар фиристонда шудаанд.

Ҳамзамон, ёдовар шуданд, ки 385 нафар шаҳрвандони хориҷӣ ба ҳайси донишҷӯ, магистр, доктор Ph.D, докторанти анъанавӣ, унвонҷӯ, муҳақиқ- коромӯз ва шунавандаи озод дар Маркази омӯзиши забонҳои назди Донишгоҳи миллии Тоҷикистон таҳсил мекунанд.