6 миллиону 639 ҳазору 535 сомонӣ ҷарима рӯёнида шуд

Санаи 31.01.2025 дар Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон нишасти матбуотӣ доир гардид. Раиси Кумитаи мазкур Сулаймон Давлатзода ба саволҳои хабарнигорон ҷавоб гуфтанд.

Маълум гардид, ки  соли 2024 дар мамлакат нисбати 1435 нафар парвандаи ҳуқуқвайронкунии маъмурӣ баррасӣ гардидааст, ки нисбати ҳамин давраи соли 2023, 609 ҳолат зиёд аст. Вобаста ба риоя нагардидани талаботи Қонуни Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон", 1435 парвандаи ҳуқуқвайронкунии маъмурӣ тартиб дода шуда, нисбати 1409 ҳолат ҷазо таъин гардида, 26 парванда ҳангоми баррасӣ аз ҷониби судҳо қатъ шудааст.

Ба иттилои манбаъ маблағи умумии ҷаримаҳои муқарраргардида 11 миллиону 95 ҳазору 560 сомониро ташкил медиҳад, ки аз ин миқдор 6 миллиону 639 ҳазору 535 сомонӣ рӯёнида шудааст.