Роҳҳои маҳаллӣ таъмиру таҷдид мегарданд

Соли 2024 аксарияти нишондиҳандаҳои рушди иҷтимоию иқтисодии вилоятҳо ва шаҳру ноҳияҳо мусбат арзёбӣ гардида, суботи макроиқтисодӣ нигоҳ дошта шуд.  Дар ин хусус зимни нишасти матбуотии Кумитаи рушди маҳали назди Президенти Ҷумҳурии Тоҷикистон иттилоъ доданд.  

 Ҷиҳати амалишавии Нақшаи чорабиниҳои Амри Президенти Ҷумҳурии Тоҷикистон аз 23 июли соли 2022, №АП-240 доир ба “Солҳои рушди саноат барои солҳои 2022-2026” дар ҷумҳурӣ 704 корхонаҳои нави саноатӣ бо 18193 ҷойи корӣ фаро гирифта, ҳаҷми маҷмӯи маҳсулоти саноатӣ дар вилоятҳои Суғд 117,7 фоиз, Хатлон 110 фоиз, ВМКБ 102,7 фоиз ва шаҳру ноҳияҳои тобеи ҷумҳурӣ 117 фоизро ташкил додааст.

Дар соли 2024-ум аз ҳисоби ҳамаи сарчашмаҳои маблағгузорӣ, хусусан бо саҳми соҳибкорону шахсони саховатпеша ва мардуми Тоҷикистон роҳҳои зиёди маҳаллӣ таъмиру таҷдид гардида, бунёду азнавсозии пулҳо ба анҷом расидааст. 

Зикр гардид, ки дар пойтахт 2509 иншоот ба маблағи 5483106,9 ҳазор сомонӣ мавриди истифода царор дода шуда, дар 1802 иншоот корҳои сохтмонӣ идома дорад.