Хадамоти иҷро: 320 млн 714 ҳазор сомонӣ ба манфиати модару кӯдак ситонида шуд

Аз тарафи иҷрочиёни Хадамоти иҷрои назди Ҳукумати Ҷумҳурии Тоҷикистон  103 392 адад ҳуҷҷатҳои иҷро вобаста ба ситондани маблағи алимент мавриди иҷро қарор гирифтааст. Аз ҷониби иҷрочиён ба манфиати модару кӯдак зиёда аз 32 млн 714 ҳазор сомонӣ ситонда шудааст.

Ин нукта дар нишасти матбуотии Хадамоти мазкур, ки санаи 5-уми феврал баргузор шуд, таъкид гардид.

Сардори раёсати ташкил ва назорати иҷро Алиҷон Амонзода зикр кард, ки нисбати 320 нафар қарздоре, ки аз пардохти маблағи алимент барқасдона саркашӣ кардаанд, бо пешниҳоди иҷрочиён аз ҷониби мақомоти прокуратура парвандаҳои ҷиноятӣ оғоз гардидааст.

Сардори Хадамоти иҷро Аҳтам Абдуллозода изҳори нигаронӣ аз он кард, ки истеҳсолоти иҷро оид ба ситондани маблағи алимент аз фарзандон ба волидон 63 ададро ташкил медиҳад, ки ин боиси таассуф аст.