Суди Олии иқтисодӣ: Зиёда аз 3 ҳазор парванда баррасӣ шуд

Соли 2024 судҳои иқтисодии марҳилаи якум,  кассатсиониву назоратӣ ва Раёсати Суди Олии иқтисодӣ дар маҷмуъ 3253 адад парвандаҳоро мавриди баррасӣ қарор додаанд.

Дар ин хусус зимни нишасти хабарии Суди олии иқтисодӣ иттилоъ доданд.

Доир ба рӯёнидани маблағҳои зарар ва қарзҳои бонкӣ дар ҳамин давра ба маблағи 416 миллиону 64 ҳазору 477 сомонию 80 дирам талабот арз гардида, аз он 207 миллиону 530 ҳазору 951 сомонию 73 дирам талаби даъво қонеъ гардида, ба маблағи 4 миллиону 73 ҳазору 883 сомонию 76 дирам боҷи давлатӣ рӯёнида шудааст.

Гулноза Бобомуродова,

"Бонувони Тоҷикистон"