257 иҷозатнома барои фаъолияти фармасевтӣ дода шуд

Дар соли гузашта барои шуғл доштан ба фаъолияти фармасевтӣ 257 иҷозатнома дода шуд. Ба кишвар ба маблағи 103,7 млн. доллари амрикоӣ дору ва молҳои тиббӣ ворид гардид, ки нисбати соли гузашта 252 млн. доллари амрикоӣ зиёд мебошад. Дар ин хусус, имрӯз дар нишасти матбуотӣ Вазири тандурустӣ ва ҳифзи иҷтимоии Ҷумҳурии Тоҷикистон Ҷамолиддин Абдулло Абдуллозода гуфт.

   Ҳамчунин, мавсуф қайд кард, ки алҳол, дар ҷумҳурӣ миқдори доруҳои истеҳсоли ватанӣ 598 адад ва номгӯи онҳо 351 ададро ташкил медиҳад. Дар кишвар 67 муассиса ба истеҳсоли дору ва молҳои тиббӣ машғул мебошанд.