Қоидавайронкуниҳои молиявӣ ошкор шуданд

 Палатаи ҳисоби Ҷумҳурии Тоҷикистон дар соли сипаригашта 192 чорабиниҳои аудиторӣ гузаронд, ки аз ҳисоби қоидавайронкуниҳои молиявӣ 506,7 миллион сомонӣ муайян намуд, ки нисбат ба соли гузашта 101,1 миллион сомонӣ зиёд мебошад, - гуфт зимни нишасти матбуотӣ Каримзода Ҷамшед Абдраҳмон, раиси Палатаи ҳисоби Ҷумҳурии Тоҷикистон.

   Ӯ гуфт, ки чорабинии аудиторӣ чунин натиҷа дод, ки аксарияти вазорати корхонаҳо ба камбудиҳои молиявӣ роҳ додаанд. Бахусус, дар рафти чорабиниҳои аудиторӣ дар Вазорати маориф ва илми ҶТ, Агентии захираҳои моддӣ ва сохторҳои он, Донишгоҳи миллии Тоҷикистон, Агентии омори назди Президенти ҶТ, МД «Тоҷикфилм», Кумитаи телевизион ва радио ва ғайра камбудиҳои молиявӣ ошкор гардиданд.