Бонки миллии Тоҷикистон: қурби асъор муътадил аст

Санаи 12-уми феврали соли 2025 нишасти матбуотии Бонки миллии Тоҷикистон доир гардид.

Мувофиқи иттилои расида, сатҳи таваррум дар соли 2024 - 3,6 фоизро ташкил намудааст. "Ин нишондиҳанда асосан аз ҳисоби болоравии нархи маҳсулоти хӯрокворӣ 3,0 фоиз, молҳои ғайрихӯрокворӣ 4,9 фоиз ва арзиши хизматрасониҳои пул 4,8 фоиз ба амал омадааст" - зикр намуд  Фирдавс Толибзода, Раиси Бонки миллии Тоҷикистон.

Қайд гардид, ки дар давраи ҳисоботӣ бо сабаби муътадил будани қурб аз ҷониби Бонки миллии Тоҷикистон ягон намуди мудохилаи асъорӣ ба роҳ монда нашудааст.

Пасандозҳои сокинон дар бонкҳо бо асъори миллӣ 12,9 фоиз ва бо асъори хориҷӣ 4,2 фоизро ташкил медодааст.

Гулноза Бобомуродова,

"Бонувони Тоҷикистон"