Прокуратураи генералӣ: 9 зан дар вазифаҳои роҳбарикунанда

Дар нишасти матбуотии Прокуратураи генералии Ҷумҳурии Тоҷикистон, ки санаи 14-уми феврали соли ҷорӣ баргузор гардид, Прокурори генералии Ҷумҳурии Тоҷикистон, генерал-лейтенанти адлия - Воҳидзода Ҳабибулло Сайдулло аз натиҷаи фаъолияти мақомоти прокуратура ба хабарнигорон иттилоъ дод.

Қайд гардид, ки дар соли 2024 аз ҷониби мақомоти прокуратура 6973 санҷиш гузаронида шуда, 4172 парвандаҳои ҷиноятӣ  оғоз ва 62945 нафар ба ҷавобгарии интизомӣ, моддӣ ва маъмурӣ кашида шудаа, ҳуқуқу манфиатҳои 261022 нафар барқарор шуданд.

Дар самти қонунгузорӣ оид ба замин 1101 парвандаи ҷиноятӣ оғоз, 154,5 га қитъаи замин ба ҳолати аввала баргардонида, 7190 нафар ба ҷавобгарӣ кашида шудаанд.

Дар давраи ҳисоботӣ дар ҷумҳури 1494 ҷиноятҳои хусусияти террористӣ-экстремистидошта ба қайд гирифта шудааст, ки нисбат ба соли 2023 - 226 адад зиёд гуфта мешавад.

Зикр гардид, ки дар Прокуратураи генералӣ 70 зан фаъолият бурда, 9 нафари онҳо дар вазифаҳои роҳбарикунанда кор мекардаанд.