411,9 миллион сомонӣ ба манфиати давлат барқарор карда шуд

Санаи 14.02.2025 дар Агентии назорати давлатии молиявӣ ва мубориза бо коррупсияи  Ҷумҳурии Тоҷикистон нишасти матбуотӣ доир гардид. Зимни нишаст директори Агентӣ Сулаймон Султонзода  ба саволҳои хабарнигорон ҷавоб гардонд.

Иттилоъ дода шуд, ки дар ин давра мутахассисони самти назорати давлатии молиявии Агентӣ дар вазорату идораҳо, мақомоти иҷроияи маҳаллии ҳокимияти давлатӣ, маркази татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 484 тафтишу санҷиши молиявӣ гузаронда, ба маблағи умумии 425,7 млн. сомонӣ зарари молиявӣ ошкор намуданд.

Маълум гардид, ки аз маблағҳои ошкоршудаи зарар 411,9 млн. сомонӣ ба манфиати давлат барқарор карда шудааст.