ФЕСТИВАЛИ ҶУМҲУРИЯВИИ “САД РАНГИ ЧАКАН” ҶАМЪБАСТ ШУД

 Имрӯз дар Филармонияи давлатии Тоҷикистон ба номи Акашариф Ҷӯраев даври ҷамъбастии Фестивали ҷумҳуриявии «Сад ранги чакан» бо ташаббуси Кумитаи кор бо занон ва оилаи назди Ҳукумати Ҷумхурии Тоҷикистон дар сатҳи баланд баргузор шуд.

 Дар фестивал ғолибони се даври аввали фестивал дар тамоми манотиқи Точикистон, беҳтарин ҳунармандон, чакандӯзон, сӯзанидӯзон, тарроҳон аз вилоятҳои Суғд, Хатлон ва Бадахшон, шаҳри Душанбе ва шаҳру ноҳияҳои тобеи чумҳурӣ ширкат варзида, намунаи олии ҳунари хешро манзури ҳаводорони нақшу нигори миллӣ намуданд. 

 Мақсад аз баргузории Фестивали ҷумҳуриявии «Сад ранги чакан» баланд бардоштани эҳсоси ватандӯстиву хештаншиносӣ, ифтихори миллӣ, арҷ гузоштан ба таъриху тамаддун, фарҳанг, расму оинҳои миллию мардумӣ ва муаррифии санъату ҳунари волои халқи тоҷик дар арсаи байналмилалӣ мебошад. 

   М. Назирова