"НАВРӮЗ - ИДИ ЗАНОНИ ВАҲДАТСАРО"

 Дар доираи тантанаҳои ҷашни Наврӯзи байналмилалӣ ва ташрифи сарони давлатҳои Қирғизистону Ӯзбекистон ба шаҳри Хуҷанд, санаи 1 апрели  соли 2025 дар Кохи Суғдиён Форуми занон таҳти унвони "Наврӯз - иди занони ваҳдатсаро" баргузор гардид.

Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ба кори ҳамоиши сатҳи баланд ҳусни оғоз бахшида, ба ҳозирин саодати рӯзгору муваффақиятҳои беназир таманно намуд.

Дар кори Форум муовини Сарвазири Ҷумҳурии Тоҷикистон - Дилрабо Мансурӣ, муовини муовини Сарвазири Ҷумҳурии Ӯзбекистон - Зулайхо Баҳриддинова, президенти Конгресси занони Қирғизистон - Замира Акбагышева, иштирок ва суханронӣ намуданд. Дар доираи чорабинӣ меҳмонони зиёде аз Ҷумҳуриҳои Қирғизистону Ӯзбекистон ва бонувони фаъолу хидматнишондодаи кишвар иштирок доранд.

Кори Форум дар панелҳои гунргун давоми рӯз идома хоҳад дошт ва аз ҷараёни он хабарҳои нав интишор мегарданд.

Гулноза АҲМАДЗОДА,

"Бонувони Тоҷикистон"