Модарони ваҳдатпараст

   Имрӯз, 20 июни соли равон бахшида ба Рӯзи Ваҳдати миллӣ бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар Муассисаи таҳсилоти миёнаи умумии №19-и шаҳри Душанбе таҳти унвони «Ваҳдат –мароми модарон» конференсияи ҷумҳуриявӣ баргузор гардид.

  Бунафша Файзиддинзода, раиси Кумита кор бо занон ва оилаи назди Ҳукумати Ҷумҳурии Тоҷикистон бо сухани ифтитоҳӣ баромад намуда, қайд кард, ки модарону бонувон дар таҳкими сулҳу оштӣ ва пойдории ваҳдати миллии кишвар саҳми назаррас гузоштанд.

  Дар конференсияи мазкур собиқадорони меҳнат, занони фаъоли ҷомеаи шаҳрвандӣ, намояндагони вазорату идораҳо, ташкилоту муассисаҳо, аҳли илму фарҳанг, донишмандон ва коршиносон ширкат варзида, дар мавзуи нақши занон дар таҳкими сулҳу ваҳдати миллӣ маърузаҳо намуданд.